Misy olona vitsivitsy na maro mifanaiky fa hianatra ho ombiasa ka dia mifidy olona (ombiasa) anankiray izay tiany hianarany izy, ka hanome azy omby na zavatra hafa arak’izay ifanekena. Manaiky hampianatra azy ilay ombiasa nefa manimpy teny kely aminy hoe : « Raha dia maniry hianatra tokoa ianareo dia hatao izany nefa tsarovy fa zava-tsarotra ny fianarana ho ombiasa, ka tsy maintsy hiaretana tsara ny fianarana rehetra sy ny lalàna (fady) momba izany fa raha miala foana tsy vita fianarana dia tsy ho tonga asy, izany hoe : « Tsy tonga ho ombiasa ka tsy vanon-kolona fa raha tsy adala dia manjejena ». Samy manome toky ireo fa hiari [tra]